अरसा बणाण क विधि
अरसा बणाण क विधि
- अरसा – उत्तराखंड मा कै भी मांगलिक कारिज मा अरसा बणाण शुभ मने जांदा। ब्यो, चुडाकरम, बिवई बेटी जब पैल बार अपणु नौनी नौन्याली लेक मैत जान्द तब ननी नना मामी मुमा, अपणु नाती नतणा, भणजू तै अरसा क कल्यो बणये क द्याण क रिवाज छा। आज हम अरसा बणाण क विधि बताणा छवा।
- अरसा बणाण कुन सामान – चौल 2 किलो, एक किलो गुड, 200 ग्राम अजवाइन, 200 ग्राम सौंप, एक किलो सरसों क तेल, 50 ग्राम नरयुल कद्दू कस करिक, द्वी जग पांणी।
विधि : सबसे पैली रात मा 2 किलो चौल भीगे द्याण। सुबेर उ चावल तै इमानजस्ता मा कुटी क वेक आटू बणाण जैकुण पीठु बुलदन, पीठु तै छाणी क धरी द्याण। वैक बाद एक पतीला पर द्वी जग पांणी चुल्ल मा गरम करण वैमा एक किल्लो गुड कि चास खूब गाडू बणाण, जब गुड़ गलि जाल तब वैमा जू पीठु छ वै तै बी डाली द्याण। पलटा न वै तै खूब खरवालण, जिबरी तक गुड कि बणी पाक मिली जाव। वैक बाद पाक मा सौफ अजवाइन अर नर्यूल मिले क तेल मा गुंदे जान्द। कडाई मा तेल गरम करिक पाक तै हत्थ न पकौड़ी जणी बणयेक तेल मा तली द्याण। इनमा अरसा बणी क तैयार ह्वे जदीन ।
Comments
Post a Comment